061 - 誰還愧於當教師

對於陌生人，我的解說如下：
”散落一地
斷續的謎語
對著空氣
還擊著你的問題
推辭每次
真實的相聚
困著自己
渴望著你的消息
翻來覆去
甜蜜的懷疑
故作神秘
延續著你的好奇
也許喜歡懷念你 多於看見你 我也許喜歡想像你 不需要抱著你”
’懷念’王菲
講完。我tried and tried again。一切交托神。
正如看不了franz ferdinard concert好無奈，但也許神有其他安排。
我現在談談教師。

先說說故事。據我所知，我父母都是教師。
一個是多情郎拋妻棄子，一個是封閉式自大狂徒。
故事是這樣的。
在一次晚餐上，姨媽一家都在。
電視播著立法會的辯論。
媽媽沒有興趣看內容，只不斷大大聲說
”係呀係呀，當ｄ老師係天神呀！我得閒都留係屋企打機！”
我忍不了便說
”唔怪得小小事就攪到咁政治啦”
”喂！（作呼喝狀）我日日做幾多報告幾辛苦！
連改簿上堂都要想著寫evaluation。
我仲要回家照顧小孩（我弟弟１２歲）．．．”
仲有好多好多。不過最勁係以下：
”我覺得好無聊。點可以希望間間學校種既草都一樣靚！
我地ｄ學校（band２／３）老師同學生水準都不高，
到時只有老師辛苦求其交report上堂，學生都不有好結果。”
我說：
”咁你係咪話應該將社會分層。每層一套政策，好學校有好老師，
可以如此下去做教改，唔好學校就冇，因為老師同學生都唔得。
咁就最efficient 啦下fa。”
（作火起狀）”你係嚮什麼角度睇先”
（言下之意係”你算老幾批評我呀”）
”政策效率。社會分層的問題，多重政策的問題，
咪只會令其他社會問題都惡化。”
”我教econ, li ｄ嘢唔使你教！我地唔駛ｄ外行人起度講理論。
你起practical 度同我講呀”
”practical既就係行行都辛苦，architect都每日工作１２小時，
好多成世一個人然後入精神病院。
（老師好穩定，薪金又高。教人喎，唔似professional教pat 屎出嚟就真係跳樓了！你地唔駛ｄ外行人起度講，咁上街嚟做ｍｕｔ？表演呀？教書呀）”
括住果ｄ太harsh我吞咗。不過我吞唔落餐飯，
”你地慢慢食”，我都係教師教出嚟。死得。
姨媽一家呆咗好似睇緊打扙。我媽繼續大聲呼喝。
似街市阿姐多過桃李滿門的師表。